My.gov.uz portalida “Tibbiyot muassasalarida davolanish uchun berilgan imtiyozli yo‘llanma holatini tekshirish”  xizmati ishga tushirildi.

Imtiyozli yo‘llanma – davlat tomonidan bepul davolanish huquqini beruvchi tibbiy order hisoblanadi. Hozirgi kunda imtiyozli toifaga kiruvchi 16 turdagi shaxslarni davlat budjeti mablag‘lari hisobidan navbat asosida davolanishga yo‘llash tizimi yo‘lga qo‘yilgan.

Bunda fuqaroning imtiyozli davolanishga muhtojligi to‘g‘risidagi ma’lumotlar tegishli tibbiyot muassasasi tomonidan Sog‘liqni saqlash vazirligi elektron tizimiga kiritiladi. Imtiyozli yo‘llanmaning shakllanishi esa bir necha bosqichlarni o‘z ichiga oladi.

Endi fuqarolarimiz ushbu bosqichlar holatini my.gov.uz portali orqali onlayn kuzatib borishlari hamda navbati kelgach tegishli tibbiyot muassasasiga murojaat qilishlari mumkin.